Præsentatio Fraternitas Sacerdotalis Sancti Petri

De origine Fraternitatis

Fraternitas Sacerdotalis Sancti Petri est Societas clericalis vitæ apostolicæ iuris pontificii.  Hic cœtus catholicorum sacerdotum sine religiosis votis laborat finem apostolicum proprium in mundo adimplendum.  Hæc missio est duplex: una, instructio ac sanctificatio sacerdotum in liturgiæ Romanæ traditionalis ambitu; altera, praxis pastoralis sicut Ecclesiæ ministerium.

Fraternitas fundata est die 18 octobris a.D. 1988 in Abbatia Altæ Ripæ (Helvetiæ) ab duodecim sacerdotibus et aliquibus seminaristis.  Exiguum post tempus, Monsignore Joseph Stimpfle, Archiepiscopo Augustano (Germaniæ), sub petitione Cardinalis Ratzinger, Fraternitatem in sua diœcesi, in pago Wigratzbad, nuncupato Sanctuario Bavaro in honorem Beatæ Mariæ Virginis dicato, accipit.  Ubi hodie invenitur Europæum Fraternitatis Sancti Petri Seminarium et quod inter suos sodales 200 sacerdotes et 120 seminaristas numerat. 

De Formatione

Fraternitas Sancti Petri constituit domos formationes duas: primam in Wigratzbad (Germaniæ), alteram in Denton (Americæ Septentrionalis), Nebrascæ.  In his duobus seminariis actuales ad formationem sacerdotum normas in usu Ecclesiæ vigent.  Alumni autem sequuntur unum spiritualis formationis annum ("propedeuticum") ante cyclum Philosophiæ (duo anni), postea illud theologiæ (quattuor anni).  Alumnus ad sacerdotium per hos orationis, studii et vitæ communis annos humanam maturitatem, personalem disciplinam et maiorem Deo unionem pedetemptim acquirit.  Vita autem spiritualis in his duobus Seminariis in Sanctum Sacrificium Missæ confluit, fovens itaque illam "liturgicarum et spiritualium traditionum fidelem" observantiam, normis motu proprio "Ecclesia Dei adflicta" congruentem, ex die 2 iulii a.D. 1988, qui est ab origine fundationis (Constitutiones, art. 8).

Ministerium pastorale

Post hoc tempus formationis, sacerdotes ab apiscopo diœcesano ducentes et cum propriis Fraternitatis Constitutionibus congruentes, in diversos apostolatus in Gallia, Germania, Helvetia, Austria, Italia, Anglia, America Septentrionale, Australia, Canada ac nuper in Nigeria mittuntur.  Ubi possibile est sacerdotes in parvis communitatibus vivunt; ii autem fidem propagant per prædicationem, catechismum, iuventuti instructionem (scholas, puerorum exploratorum motum,...), peregrinationum et exercitium spiritualium præparationem et varia.  Hi congruentes in omne cum Sede apostolica Sacramenta administrant cum liturgicis libris vigentibus anno 1962.